Moratorio Covid-19: Preguntanan Frecuente

CMB ta implementa e moratorio pa lunanan juni, juli y augustus automaticamente?

CMB lo implementa e moratorio di 3 luna automaticamente pa clientenan comercial y personal riba  prestamo, hipoteca y tarheta di credito cu ta cumpli cabalmente cu pagonan mensual. Prestamonan cu pago atrasa di 90 dia of mas, no ta bini na remarke pa e moratorio. 

E clientenan (personal of comercial) cu no ta desea e extension riba e moratorio, MESTER yena e formulario online “Opt-Out” (rechasa) na cmbnv.com. Clientenan cu a rechasa e proposicion aki lo continua cu pago menusal di nan prestamo durante e periodo di e moratorio. 
MESTER COMPLETA E FORMULARIO ONLINE AKI PROME CU 12 DI JUNI, 2020.

 

Clientenan cu ta desea e exstension di e moratorio pa lunanan di juni, juli y augustus 2020 no MESTER haci nada, ya cu esaki lo wordo extendi automaticamente.

  1. Mi cuenta lo keda debita y despues credita durante e lunanan di juni, juli y augustus 2020?
    No, lo no debita bo cuenta pa pago di prestamo di juni, juli i augustus 2020, paso e moratorio lo ta automatico pa tur esnan cu no escohe pa “Opt-Out”.

     

  2. Mi pago mensual eroneamente a wordo kita di mi cuenta y no a credita esaki bek pa luna di juni 2020. Kiko mi mester haci?
    Por fabor tuma contacto cu nos Servicio di Asistencia Online eAmigo via nos Live Chat na cmbnv.com of alternativamente via un di nos canalnan di Social Media manera Facebook Messenger, Instagram of Twitter. Por fabor manda nos un Direct Message pa asina bo informacion keda confidencial.
  3. Mi a (Opt-Out) rechasa e moratorio como cliente comercial, pero mi a acepta e moratorio como cliente personal. A debita e pago mensual for di mi cuenta, pero despues a credita esaki bek. Kiko mi mester haci?
    Por fabor tuma contacto cu nos Servicio di Asistencia Online eAmigo via nos Live Chat na cmbnv.com of alternativamente via un di nos canalnan di Social Media manera Facebook Messenger, Instagram of Twitter. Por fabor manda nos un Direct Message pa asina bo informacion keda confidencial.
  4. Mi a (Opt-Out) di e moratorio, pero mi situacion financiero a cambia y awor mi kier aplica pa e moratorio. Esaki ta posibel?
    Si. Esaki ta posible prome cu 12 di juni 2020. Por fabor tuma contacto cu nos Servicio di Asistencia Online eAmigo via nos Live Chat na cmbnv.com of alternativamente via un di nos canalnan di Social Media manera Facebook Messenger, Instagram of Twitter. Por fabor manda nos un Direct Message pa asina bo informacion keda confidencial.

     

  5. Mi a acepta e moratorio, pero no ta desea esaki mas y lo kier “Opt-Out” na e momentonan aki. Esaki ta posibel?
    Por fabor tene cuenta cu e ora bo mester haci e pago mensual di forma manual pa luna di juni, juli i augustus 2020 pa tur bo prestamonan. Esaki ta posibel via CMB Online Banking, den e opcion di “Bill Payments”.

    Ta rekeri pa bo hinca bo number di prestamo (loan number). Bo mester haci esaki pa e lunanan di juni, juli y augustus 2020.

    Si bo mester di asistencia pa cu esaki, por fabor tuma contacto cu nos Servicio di Asistencia Online eAmigo via nos Live Chat na cmbnv.com of alternativamente via un di nos canalnan di Social Media manera Facebook Messenger, Instagram of Twitter. Por fabor manda nos un Direct Message pa asina bo informacion keda confidencial.

  6. Instruccion pa pago di prestamo of hipoteca via CMB Personal Online Banking y CMB Mobile Banking:
    Log in den CMB Personal Online Banking y scohe e opcion: “Bill Payments”


     

    1. CMB Mobile Banking App
      • Login, then select the Transfers menu;
      • Select Bill Payments from the available payment types.
      • On the Bill Payments screen, select the From Account and enter either CMB Retail Loans Mortages 2971800 or CMB Retail Loans Personal 2971400 in the Biller field. Next enter the amount and desired payment date (leave at today’s date for immediate payment).
      • Enter the Mortgage or Loan account number in the Customer # at Beneficiary field.
      • Optionally enter a description in the Payment Reference field.
      • Submit and Confirm the payment.
    2. CMB Personal Banking
      • Login, then select Payment/Transfers > Payments& Transfers
      • Select Bill Payments from the available payment types (bottom option).
      • On the Bill Payments screen, select the From Account and enter either CMB Retail Loans Mortages 2971800 or CMB Retail Loans Personal 2971400 in the Biller field. Next enter the amount and desired payment date (leave at today’s date for immediate payment).
      • Enter the Mortgage or Loan account number in the Customer # at Beneficiary field.
      • Optionally enter a description in the Payment Reference field.
      • Submit and Confirm the payment.

         

  7. Mi a caba di haya un prestamo nobo, e moratorio ta conta pa mi tambe?
    Si, e moratorio ta aplicabel pa tur cliente cu tin un prestamo.

     

  8. Mi mester paga bek e pagonan mensual di e 3 lunanan di juni, juli y augustus 2020?
    Si, bo mester paga e pago mensual di e tres lunanan cu bo a salta, pero e lo ta sin interes of gasto adicional.

    Unicamente e montante mensual cu bo a salta, bo mester paga bek. E 3 lunanan di pago lo drenta na vigor na final di e periodo di bo prestamo. Esaki ta nifica cu bo ta sigui paga e mesun montante mensual pa tres luna mas na final di e period di bo prestamo, pa asina bo paga bek e montante mensual cu bo a salta durante juni, juli y augustus 2020. CMB lo no cobra interes y tampoco ningun gasto adicional riba e montante aki.

  9. Mi a compronde cu CMB a dunami un prestamo nobo pa cubri e pago mensual di juni, juli y augustus 2020? Con esaki ta funciona?
    CMB a habri un cuenta na nomber di e cliente pa cubri e pagonan cu e cliente a salta durante juni, juli y augustus 2020. E cliente mester paga e montante aki na final di e temporada di e prestamo original y mester paga esaki bek den 3 pago mensual cu ta igual na e pago mensual aktual cu e cliente ta haci riba e prestamo. Pues e cliente su pago mensual no ta cambia.

    Por ehempel: E cliente ta paga actualmente Afl. 1,500.00 pa luna. Su pagonan di maart, april y mei a keda pospone. CMB ta habri un prestamo “cuenta” nobo na 0.00% interes pa e cliente di Afl. 4,500.00 cu ta igual na e 3 pagonan mensual cu e cliente a salta. Si e cliente lo mester a finalisa pago di su prestamo na december 2020, awor e mester haci 3 pago adicional na januari 2021, februari 2021 y maart 2021; cada un pa e montante di Afl. 1,500.00 pa luna, pa completa pago di e montante total di Afl. 4,500.00 cu a keda pospone debi na e moratorio.

  10. Mi ta paga interes riba e pagonan mensual cu mi a salta?
    No. CMB no ta cobra interes y tampoco gasto adicional riba e pagonan cu a keda pospone pa e cliente durante e moratorio.
  11. Mi a log in den CMB Online Banking y mi a mira un number nobo den mi lista di prestamo. Kiko esaki ta?
    Si bo a haci uso di e moratorio y bo no a “Opt-Out” di esaki, lo bo nota un number nobo riba bo lista di cuenta den CMB Online Banking. Esaki ta referi na e COVID-19 Moratorio di 0.00%. Esaki ta e extension di e prestamo pa cual bo no mester paga interes adicional y tampoco ningun gasto adicional. E montante indica ta e montante total di e lunanan di maart, april y mei 2020. E moratorio di juni, juli y augustus 2020 tambe lo bo mester paga e pagonan cu a keda pospone y cu bo mester paga bak na final di e periodo di bo respectivo prestamo, reparti den 6 pago mensual igual.
  12. Si mi por spaar e montante di e 3 pagonan mensual y deposita esaki riba e montante principal di mi prestamo na juni 2020, CMB lo recalcula mi pago mensual?
    E pago aki lo bai como un pago extra riba e montante principal di e prestamo. Pa recalcula bo pago mensual, por fabor tuma contakto of haci un cita cu un di nos representantenan di benta pa e calculacion,  ya cu e calculacion aki ta haci manualmente pa bo caso specifico. Por fabor tene cuenta cu e deposito aki lo no cubri e 3 lunanan di pago pospone, pues lo bo mester paga esaki bek na final di e periodo di bo prestamo.

    Si bo kier paga e montante di e 3 lunanan, bo mester specifica e respectivo number di cuenta NOBO na momento cu bo ta haci e pago adicional.

  13. Mi pago mensual lo cambia entrante september 2020?
    Bo pago mensual lo no cambia y e montante cu bo ta paga mensualmente lo keda mescos te na final di e periodo di bo prestamo. Na momento cu bo prestamo yega na su fin, bo mester paga e 3 pagonan mensual, cu a keda pospone. Esaki ta consisti di 3 pago mensual igual na esnan cu a tuma luga durante e prestamo; y 6 pago mensual si bo a acepta e moratorio di juni, juli y augustus 2020 tambe.

     

  14. Kiko ta bira e fecha nobo cu mi prestamo ta caduca?
    Pago di bo prestamo lo resumi na september 2020 y e periodo di bo prestamo lo keda extende pa mantene e pago mensual di bo prestamo pa un temporada di 3 luna. Por fabor tuma nota cu esaki ta nifica cu e fecha di vencemento di bo prestamo ta keda mescos, pero cu bo mester paga bek e 3 lunanan di juni, juli y augustus 2020 durante 3 luna despues di e fecha cu bo prestamo vence. (6 luna si bo a acepta e extension di e moratorio).
  15. E montante cu mi ta paga mensualmente riba mi prestamo lo cambia na final di e periodo di mi prestamo y esaki lo wordo kita automaticamente for di mi cuenta?
     No, bo pago mensual no ta cambia; esaki ta keda mescos. Banko lo kita e montante mensual automaticamente for di bo cuenta pa 3 luna.
  16. CMB lo extende e moratorio despues di augustus 2020?
    Nos ta monitoria e situacion actual di e Crisis di Coronavirus hopi di acerca y ta den contacto estrecho y continuo cu autoridadnan. Pa e motibo aki CMB a extende e moratorio cu 3 luna mas pa e lunanan di juni, juli y augustus 2020.
  17. Si mi ta rekeri un extension riba e moratorio, cu ken mi mester tuma contacto?
    E extension di e moratorio pa lunanan di juni, juli y augustus 2020 ta automatico pa clientenan comercial y personal, pero si no ta desea esaki, e cliente mester “Opt-Out” door di manda completo e formulario online di “opt-Out” na cmbnv.com.

    Si bo tin cualke pregunta adicional tocante e moratorio, por fabor tuma contacto cu nos Servicio di Asistencia Online eAmigo via nos Live Chat na cmbnv.com of alternativamente via un di nos canalnan di Social Media manera Facebook Messenger, Instagram of Twitter. Por fabor manda nos un Direct Message pa asina bo informacion keda confidencial.  Tambe por yama nos na (+297) 522-3000 via telefon.

Den e temponan dificil aki tambe nos kier gradici bo pa bo confiansa den nos banco.

HUNTO NOS LO LANTA BEK!