Tur storia tin su origenHistoria di Aruba su servicio di aviacion
E storia di aviacion na Aruba ta uno bastante interesante. Nos ta sia por ehempel di e prome avionetanan cu a aterisa riba nos isla, te cu e ultimo desaroyonan cu a hiba Aruba su servicio di aviacion na un otro nivel, cu progreso consistente.
Combersando cu Mauricio Boekhoudt, Consehero di e Directiva di Aeropuerto, nos a explora y siña hopi mas di Aruba su aviacion cu masha tiki hende awendia tin conocemento riba dje. E desaroyo di Aruba su servicio di aviacion a crece inmensamente durante e ultimo añanan, reflehando su importancia grandi den crecemento socio-economico di nos isla.
Ta asina cu pa prome biaha den Aruba su historia na aña 2020, nos a haya nos mes den un situacion caminda nos mester a cera nos portanan pa nos bishitantenan rond mundo por medio di e di e pandemia COVID-19.Riba 25 di Mei 2020, gobierno di Aruba a anuncia cu nos isla tin e situacion local controla y por cuminsa tuma pasonan pa habri frontera bek. Aruba Airport Authority NV [AAA] a keda den contacto cu tur aerolinea cu ta partner y tambe stakeholders cu a wordo afecta door di e impacto global riba trafico aereo desde comienso di e crisis di COVID-19.Mirando cu turismo ta di suma importancia pa Aruba su economia, ta asina cu AAA lo sigui ta un parti integral den e proceso di recuperacion economico di nos isla. Awor nos ta haya nos mes den un era caminda nos mester casi cuminsa di nobo, habri nos portanan bek na mundo, man den man cu protocolnan di implementacion extensivo di salud y siguridad cual ta wordo prepara entre e partners di e industria. E magnitud y impacto di e crisis no a cambia e relacion di AAA cu e aerolineanan y al contrario esaki a fortalese e laso entre aeropuerto y aerolineanan por medio di identifica meta y balornan comun.
AAA ta para tras di e mensahe principal como destinacion pa traha cu e aerolineanan den e forma mas proactivo cu ta posibel, y ta asina cu trahando hunto nos lo sobre sali, yamando nos bishitantenan un bes mas bon bini na nos dushi isla Aruba den un forma sigur y responsabel pa un y tur.
Den e video aki boso por siña un poco mas tocante e prome etapa y prome añanan cu Aruba su servicio di aviacion a inicia, for di Waf Paardenbaai na Oranjestad, e prome avionetanan cu a aterisa nos isla, te cu e prome operacionnan oficial di nos prome aeropuerto cual tabata tin e nomber di Dakota Airport. Disfruta di un poco di Aruba su historia y comparti esaki cu bo amigonan y sernan keri. Keda pendiente pa hopi mas contenido informativo riba eAmigo!