Banco Central di Aruba ta introduci un diseño nobo pa biyetenan di florin Arubiano, cu alavez lo inclui metodonan di seguridad moderno y actualisa.

Esaki ta trece cu ne un periodo di intercambio y uzo di biyetenan nobo y bieu. Caribbean Mercantille Bank N.V. t’ey semper pa su clientenan p’esey kier splica den corto con e introduccion di biyetenan nobo lo sosode:

Condicion y rekisito pa intercambio pa biyetenan nobo:

Personal:
Suma mester wordo deposita riba cuenta bancario di CMB. Den caso di intercambio e suma mester wordo deposita riba cuenta di e cliente di CMB, y despues lanta for di e mesun cuenta.

Comercial:
Suma mester wordo deposita riba cuenta bancario di CMB. Den caso di intercambio e suma mester wordo deposita riba cuenta di e negoshi di CMB, y despues lanta for di e mesun cuenta.

No ta permiti intercambio di biyetenan mediante persona of negoshi cu no tin cuenta na CMB.

Desde 5 di december, 2019 biyetenan di serie bieu lo por ser cambia solamente na Banco Central di Aruba (pa un periodo di 30 aña).

Pa cualkier pregunta y of informacion adicional por fabor contacta’nos via eAmigo, nos online assistant.

Bo Banco Amigo ta extende un Bon Bini na nos biyetenan nobo y felicita tur nos clientenan cu lo haci uzo di dje.